Azaroaren 28an, 5. mailakoak gure proiektuko leloak dioen bezala "betaurreko berdeak jantzi" eta Txingudiko Ekoetxera abiatu ginen.
Bertako ekosistemako ezaugarriak eta bizidunak gertutik ezagutzeko aukera izan genuen.
Eguraldiak ere bake pixka bat eman zigula aprobetxatuz, prismatikoak hartuta fin ibili ziren gazteak paduran zehar bizi diren zein migratzen duten hegaztien bila.
Klima aldaketak hegazti horien migrazioan sortzen duen nahasmenari buruz hausnartzeko tartea ere izan genuen, baita natura zaintzeko konpromezuak adosteko ere.
Beti bezala, gozatu genuen egun berezi honetaz. Gogoratu, jantzi betaurreko berdeak!
iruzkinik ez:
Argitaratu iruzkina